Nawong sa uyOan ug pag-umangkon natabas

CEBU, Philippines -  Natabas ang nawong ug ulo sa uyoan ug pag-umangkon dihang gisulong sa ilang paryente sa ilang pinuy-anan ug gipanigbas gamit ang pinote didto sa sitio Kandihina sa barangay Arpili lungsod sa Balamban niadtong Huwebes sa alas 3:00 sa hapon.

Ang mga biktima mao si Mariano Cabigas, 62, mag-uuma ug nagpuyo sa maong lugar ug ang laing biktima mao ang iyang pag-umangkon nga si Allen Paran Cabigas, nagpuyo gihapon sa maong lugar. Samtang ang suspek mao ang ilang paryente nga si Danilo Cabigas Paran, 30.

Matud ni SPO1 Julius Obanana ang desk officer sa Balamban Police Station dihang nahinabi sa Banat News kalit miabot ang suspek nga nagbitbit og pinote ug diretsong nanghasi.

Dihang gikomprontase kini ni Allen Cabigas nasuko ang suspek dayong tigbas sa nawong ug pag-aksyon og dagan giusban ug naigo sa ulo. Si Mariano pagkakita sa nahitabo sa uyoan daling mitabang apan giapil kini pagtigbas sa ulo ug sa nawong.

Human niini daling miikyas ang suspek samtang gidala sa Balamban District Hospital ang duha ug pabiling giatiman sa mga doktor. Ang kapolisan wala pa masayod sa motibo sa krimen.(/EIM) (BANAT NEWS)