2 nga rapist nadakpan

CEBU, Philippines - Nadakpan sa kapolisan sa lungsod sa Cordova ang duha ka suspek nga manlulugos   niadtong Martes sa hapon.

Ang unang nadakpan mao si Guia Sumagang, 45, walay trabaho, nga taga Cordova, kinsa nag-atubang og kaso sa paglugos sa iyang anak nga 15 anyos sa miaging tuig.

Sa kagabhion sa maong adlaw nadakpan usab si Jose Andales, 57, minyo, ug refrigerator technician sa mao gihapong lungsod kinsa suspetsado sa pagpanglugos sa usa ka 17 anyos nga dalagita nga iyang silingan.

Matud pa ni PO2 Dennis Camonay sa Cordova Police Station nga si Sumagang nalutsan og warrant of arrest    niadtong Mayo 23 nga giluwatan ni Mandaue City RTC Judge Rafael Yrastorza sa branch 28, samtang si Andales nalutsan usab og warrant   sa miagi lamang semana.

Ang duha ka mga dinakpan nagkagulkol na karon sa prisohan sa Cordova.

(BANAT NEWS)