CPDRC inmates nagparehistro
CEBU, Philippines - Gipahigayon kagahapong adlawa ang off-site registration sa Commission on Elections (Comelec) sa tanang piniriso sa Cebu Provincial Detention and Rehabilitation Center (CPDRC).
Si Comelec provincial Supervisor Atty. Marco Lionel Castillano mibutyag sa Banat News nga dunay resolusyon ang Comelec en banc nga nagdeklarar nga ang mga rehistradong inmates ikonsiderar botante sa dapit diin mahimutang ang pasilidad diin kini mapriso.
Ang off-site registration nga molanat og duha ka adlaw diha sa CPDRC gikatakdang usbon karong bulan sa Agosto. Base sa balaod kadtong mga inmates nga wala pa mahukmi sa iyang kaso o makombikto mao ray may katungod makabotar. Adunay kapin sa 1,600 ka bilanggo ang CPDRC. Ang mga inmates sa CPDRC ug ang Cebu City Jail makonsiderar nga botante sa Cebu South District. (BANAT NEWS)
- Latest
- Trending
