$2.5B investment ang nadala ni P.Noy

CEBU, Philippines - Nakadala og $2.5 bilyones nga investment sa iyang pagbalik dinhi sa Pilipinas gikan sa United Kingdom ug Estados Unidos si Presidente Benigno Aquino III. Si Aquino nga miabot na sa Pilipinas giingong nakigkita sa mga dagkong kompanya sa London ug ang Glencore and Royal Dutch Shell mipadayag nga magnegosyo dinhi nga moabot og $1.5 billion investment. Samtang sa US, si Aquino miingon nga di momenus $1 billion investment usab ang iyang nadala, ug dili na usab pabayron ang Pilipinas sa utang niini sa US nga $23 milyones kun gamiton kini sa pagpananom og kahoy. (Gikan sa Wires/EIM)

Gasa ni Manny

Ni Marlon Bellita

Siano: Nganong kinahanglang mapildi si Manny?

Bitoy: Ha! Kay pildi diay si Manny ato?

Siano: Pildi kay di man daug.

Bitoy: Ngano man?

Siano: Kay og di mapildi si Manny bibliya nay ikaboksing(Toink!/Aguy!)

Hehehehehehehehehehe!

Thumbs up to Manny! Thumbs up to Bradley! Pero sa mga hurado Estoryaheeeeeeeeeeeeeeeee. (Toink!/Aguy!).

Dalaygon ang pagharong ni Tim Bradley kang peoples champ Manny Pacquiao. Ang iyang kaagrisibo sa pipila ka hugna ug ang klarong pagpakigsinukliay og kumo nagpakita nga nangandam gyud siya sa maong sangka.

Apan sa pangutana kun midaog ba gyud si Tim Bradley sa away?

Halo!!!!!!!!!!!!! Wrong number! (Toink! Ayay!) Hehehehehehehehehehe!

Pero alang nako mas dunay labing mahinungdanong bahin sa maong away nga angayang totokan ang tibuok kalibotan. Ang walay kausaban nga kamapaubsanon sa imahen ni Manny ibabaw sa ring.

Inay monunot sa hugyaw sa mga tawo nga mipadayag og kasagmuyo sa resulta igo lang mipadayag sa kahibulong sa desisyon apan mitahod ug miingon "the decision is done and give him the credit".

(Dihay managhigala nanghambogay sa boksing)

Buloy: Ngiga to akong lolo nga boksidor bay ang gipanangil ato tiil sa baka. Kada sukmag hagba gyud ang kontra oy.

Menggoy: Mas ngilngig to akong lolo kay dagon sa kabayo ang gigamit, kada sukmag hagba ang kontra morag gipatiran sa kabayo.

Bitoy: Layo ra na inyong lolo sa akong lolo, ang gipanangil sa akong Lolo soft drinks ra.

Buloy/Menggoy: Ha! softdrinks?

Bitoy: Softdrinks ray panangil, diha siya’y away, sukmagon pag pinajazz lipong, gi-left hookan og pepsi barag, estretan og pina-coke hagba suka og sprite oy!(Toink!/Aguy!)

Sukol mo!!!!!!!!!!! Hehehehehehehehehehehehehehehehe.

Ang pagkapukan ni Manny nagpahinumdom lang nga duna siya’y kapildihan. Sayop man o dili ang desisyon sa mga hurado ang kinutoban ni Manny sa iyang karera sa pamoksing mao ra ang panahon sa iyang pagkapukan.

Sublion man ang iyang pagpakigsangka ni bisan kinsa nga makapukan kaniya magpabilin ang mensahe nga muabot ra ang kinutoban sa iyang panahon. Apan gawas sa kalingawan nga natampo ni Manny sa tibook kalibotan misingit ba sa imong pagdayeg ni Manny ang pangutana sa ubang mahinungdanong aspeto nga natampo sa grasya sa iyang kinumo?

Alang nako ang labing mahinungdanong natampo karon ni Manny sa naangkong kasikat ug katigayonan sa tibuok kalibotan dili lang ang mensahe nga ang kakabus dili babag sa kalamposan, nga ang dili pagbaton og ambongan nga hitsura babag nga mahimong inila, nga ang kakuwang sa edukasyon kang-a sa lapad nga kalamposan.

Alang nako ang labing dakong gasa nga pagtulon-an ni Manny sa tibook kalibotan mao nga sa bisan unsa kadako nga kalamposan nga imong naangkon, bisan unsa na nimo ka inila sa tibuok kalibotan, bisan unsa ka abunda sa katigayonan nga imong naangkon imong pahiluna ang imong kaugalingon sa sabakan sa Makagagahum. Manny mabuhi ka! Amen.

(emialad: [email protected].) (BANAT NEWS)