Ikatulong 'rapist-killer' sa amang nadakpan

CEBU, Philippines - Human sa kapin usa ka tuig nga pagtagotago nahulog na gyud sa mga kamot sa balaod ang usa sa upat ka akusado sa paglugos ug pagpatay sa usa ka amang nga nahitabo niadtong Hunyo 2011. Ang nasikop mao si Julius de Guzman, 36, residente sa Suba Masulog, Basak sa dakbayan sa Lapulapu.

Matud pa ni SPO2 Danilo Aying nasigpatan sa Mabolo sa dakbayan sa Sugbu ang suspek kinsa aduna nay warrant of arrest gikan sa sala ni RTC Branch 54 Hon. Judge Victor Teves sa kasong Rape with Homicide hinungdan nga ilaha kining giadto ug gidakop.

Si de Guzman maoy ikatulo sa gitumbok nga milugos ug mipatay sa usa ka dalagitang amang sa dakbayan sa Lapulapu , ang duha niya ka mga kauban una nang nadakpan.

Ang suspetsado gipaslak na sa Lapulapu City Jail bisan pa sa paghimakak niini sa maong kaso. (BANAT NEWS)