"Ambo" nisulod na

CEBU, Philippines - Nakasulod na sa teritoryo sa Pilipinas ang labing unang bagyo karong pagsugod na sa panahon sa ting-ulan nga magsugod sa Hunyo hangtud sa bulan sa Pebrero sa sunod tuig, ang maong bagyo ginganlan og      “Ambo.”

Kini samtang ang Philippine Atmospheric Geophysical and Astronomical Services Administration (PAGASA) miawhag sa publiko sa pagbantay ug pag-amping tungod sa kadaotan sa panahon.

Sa pakighinabi usab sa Banat News ni Boy Artiaga, weather forecaster sa Pagasa-Mactan ang maong bagyo anaa na sa 420 kilometro sa amihanang-silangan sa Virac, Catanduanes.

Gipailawom sa storm signal number 1 ang unom ka probinsya sa Luzon nga mao ang Catanduanes, Camarines Sur, Camarines Norte, Polillo Island, Aurora ug Isabela.

Kini nag-irog sa gikusgon nga 17 kilometros matag oras ug gibanabanang moabot ngadto sa Casiguran, Aurora ugmang adlawa. Samtang ang probinsya sa Sugbo makasinati og madag-umong kalangit an nga moresulta sa pagbunok sa uwan tungod sa hanging habagat. Mipasidaan ang Pagasa sa posibleng pagbaha ug mga landslide sa mga peligrong lugar. (BANAT NEWS)