Mga sakop sa hudikatura sa Cebu uyon sa desisyon

CEBU, Philippines - Nasipyat ang depensa ni Chief Justice Renato Corona sa impeachment trial matud ni Talisay City Assistant Prosecutor Mary Ann Castro.

Si Castro nga gikuhaan og pamahayag sa Banat News human sa televised impeachment trial nagkanayon nga ang prosekusyon wala untay saktong ebidensiya batok kang Corona bahin sa iyang dollar bank account nga wala niya ibutyag sa iyang Statement of Asset, Liability and Net Worth (SALN).

Matud niya nga bugtong ang pag-angkon mismo ni Corona bahin niini maoy usa ka dakong sipyat nga nahimo sa depensa tungod kay ubos sa balaod isip kawani sa gobiyerno kinahanglan nga transparent kini.

Ug sa pag-angkon ni Corona na-revised na hinuon ang hukom nga makonbikto siya.

Kahinumduman nga niadtong Biyernes sa milabay’ng semana dihang miatubang pag-usab si Corona sa impeachment court miangkon kini nga duna siya’y $2.4 milyones ug kapin P80 milyones nga matud niya iya sa ilang mga kabanay.

Si Talisay City Councilor, Romeo Villarante kinsa usa usab ka practicing lawyer nagkanayon nga “it shows democracy really works….rule of law finally upheld rather than the rule of mob…..ang anti-graft and corruption campaign program of P.Noy (Pres.Benigno Aquino III) will be strengthen.” Sa laing bahin, si Earl Bonachita, presidente sa Integrated Bar of The Philippines (IBP) Cebu City Chapter nagkanayon nga napakita pinaagi sa impeachment nga naglihok ang institusyon “the principle of check and balance is working in this country.”

 Si kanhi RTC Executive Judge Meinrado Paredes nagkanayon nga “it is the triumph of justice system of checks and balances na tested gyud.

Matud ni Paredes ang nahitabo ni Corona usa ka ‘cleansing process’ ug makapalig-on sa hudikatura. “

Si kanhi Mandaue City vice mayor Fortunato Fortuna kinsa usa ka abogado misuporta sa eksplinasyon sa tulo ka senador nga wa mobotar og ‘guilty’

“The verdict has been made though I subscribe to the position of Senators Santiago and Marcos that the offense is not among the class of impeachable offenses under the constitution. May the nation move on and draw some lessons and take from this event in our political history....,” matud pa ni Fortuna. - Brenda D. Batuto uban sa report nila ni Sanden J. Anadia ug Mylen P. Manto sa The Freeman/EIM (BANAT NEWS)