Sa Kasaysayan Karon

1892—Gipanganak ang labing unang National Artist sa Pilipinas nga si Fernando Amorsolo sa Paco, Manila. Usa siya sa labing importanteng artist sa kasaysayan sa Pilipinas kinsa naila sa tibuok kalibutan sa iyang mga gipinta nga nagpakita sa kinabuhi sa kabarangayan ug sa palibot. Siya nabantog tungod sa kamaayong laki niini paggamit sa kahayag sa iyang mga deboho ug nahimo siyang paborito sa mga opisyales sa Estados Unidos tungod sa iyang mga deboho. Niadtong Abril 24,1972 namatay si Amorsolo sa edad nga 79 tungod sa sakit sa kasingkasing.

1964 – Namatay ang Hungarian physicist nga si Leó Szilárd kinsa maoy unang misuway og ugmad sa ideya nga duna gyuy nuclear chain reaction. Usa siya sa mga siyentipikong mihimo sa nuclear reactor uban ni Enrico Fermi atol sa gitawag nga Manhattan Project. Ang Manhattan Project mao ang proyekto sa Amerika nga gitutukan ang paghimo sa labing unang atomic bomb nga maoy gigamit ngadto sa Japan.

1912 – Namatay ang usa sa tulo ka managsuong imbentor sa eroplano nga si Wilbur Wright. Si Wilbur maoy kinamaguwangan sa tulo ka Wright brothers ug siya maoy unang piloto sa labing unang kontroladong abyon nga adunay makina nga migamit lang og tulo ka standard nga kontrol, pataas-paubos; liko sa wala o tuo; ug takilid nga mao karo’y nag-unang kontrol sa tanang modernong abyon. BANAT NEWS