DAR mipatuman bag-ong programa

CEBU, Philippines - Uban sa implementasyon sa Comprehensive Agrarian Reform Program Extension with Reform (CARPER), ang Department of Agrarian Reform (DAR) ubos sa liderato ni Secretary Virgilio R. delos Reyes mipatuman usab og Agrarian Reform Community Connectivity and Economic Support Services (ARCCESS) Program ning tuiga.

Tumong niining maong programa mao ang pagpausbaw sa produksyon sa kaumahan, kita sa mga benepisyaryo ug pagsustiner sa ilang panginabuhi pinaagi sa pagpalambo sa Agrarian Reform Beneficiaries Organizations (ARBOs) .

Ang ARCCESS usa sa pundok nga gisalmotan sa kagamhanan sa mga unibersidad/kolehiyo, mga pribadong organisasyon ug mga pribadong institusyon kinsa mohatag og serbisyo nga makapauswag sa abilidad sa ARBO’s.

Ang DAR 7 adunay napulo ka mga proyekto sa ARCCESS diin tulo niini nahimutang sa Bohol, upat   sa Negros Oriental, duha sa Sugbo ug usa sa Siquijor   nga makahatag og kaayohan sa   17 ka ARBO, 7, 185 ARB ug 2,522 ka dili ARB.    - BANAT NEWS