P12M gigahin pagpaayo sa dalan sa Compostela

CEBU, Philippines - Ang mga kadagkuan sa lungsod sa Compostela mogasto og P12 milyones alang sa pagpaayo sa mga kadalanan ug usab sa pag-implementar og ubang proyekto karong buwana.

Matud pa ni Tedorico Cagang, Senior Administrative Assistant ni Mayor Joel Quiño nga dunay daghang nakaung-ong nga mga proyekto nga tubag sa panawagan sa taga Compostela.

Naglakip sa kadalanang ayuhon nahimutang sa barangay Cogon, Cabadiangan, Estaca, Lupa, Basak, Bagalnga, Csmbayog, Magay ug Poblacion.

Samtang ayuhon usab ang mga dalan sa sitio Tag-angilan sa Barangay Mulao, Sitio Pandong Tore sa Barangay Dapdap ug Sitio Tubli-Paril sa Tag-ube.

Ang entablado sa gym sa maong lungsod kinahanglan usab nga ayuhon ug paninduton alang sa umaabot nga tinuig nga kapistahan karong umaabot Hulyo 25 ning tuiga.

Samtang plano sa lungsod nga paninduton ang kabaybayunan ug padak-an ang merkado publiko. (BANAT NEWS)