May 27
1911—Natawo si Salvador P. Lopez sa Currimao, Ilocos Norte. Si Lopez usa ka magsusuwat ug presidente kaniadto sa University of the Philippines ug natudlong foreign minister sa Pilipinas ug nahimong ambassador sa Pilipinas didto sa Pransya ug Amerika. Dako og nahimong papel si Lopez nga mamenusan ang tension tali sa Malaysia ug sa Indonesia dihang kini nahimong usa sa mga delegado sa United Nations. Nahimo siyang kampeyon sa civil rights ug kagawasan sa prensa.
1951—Napugos pagtahan ang 5,000 ka sundalong Tibetans sa spiritual leader sa Tibet nga si Dalai Lama ngadto sa komunistang Intsik diha sa Beijing, China. Ang Tibet nga nahimong gawasnon sukad pa 1913 pagkahugno sa Qing Dynasty, gikan niadto nahimo nang Tibet Autonomous Region of China ang maong relihiyosong nasud bisan pa sa pagsupak sa mga Tibetans nga dili magpasakop sa mga Intsik. Tungod niini mi-exile ngadto sa India ang Dalai Lama ug miestablisar sa Tibetan Central Administration nga pabiling nagsupak sa pagsakop kanila sa China hangtud karon mga panahona.
1988 – Namatay ang German physicist nga si Ernst Ruska kinsa maoy mi-develop sa labing unang electron microscope. Iyang nadiskubrehan nga mahimong i-pokus ang electron beam gamit ang magnetic coil isip lens.
1910 – Ang usa sa mga amahan sa pagtuon sa microbiology nga si Robert Koch namatay. Tungod sa iyang pagtuon ug pagdukiduki nadiskubrehan niya unsaon pagbuwag sa mga bacteria nga nakaingon sa sakit nga cholera, tuberculosis, ug anthrax. Siya nakadawat og 1905 Nobel Prize sa medisina tungod sa pagkadiskubre niya sa tuberculosis bacterium.