Sa kasaysayan karon May 24

1970 – Gisugdan sa kanhi Union Soviet Socialist Republic of Russia (USSR) ang ambisyong buslotan ang kalibutan sa gihimo nilang drilling operation sa Kola Peninsula nga gitawag og Kola Superdeep Bore. Tuyo sa mga Soviet kaniadto nga mabuslotan ang yuta kutob sa kinapusoran niini (crust). Ang kinalawmang bangag nga nahimo nila adunay gilawmong 40, 230 feet o kaupaton ang gihabugon sa Mount Apo sa Davao (7.62 milya) niadtong 1989.

1844 – Unang gipailaila ni Samuel Morse ang imbentor sa telegraph nga gitawag og morse telegraph diin sa maong adlaw iyang gipadala ang telegramang "What hath God wrought" nga maoy nahimong labing unang mensahe pinaagi sa telegrama sa kasaysayan.

1686 – Gipanganak si Daniel Gabriel Fahrenheit nga usa ka German physicist nga miimbento sa alcohol ug mercury thermometers ug maoy mimugna sa Fahrenheit temperature scale nga mao karoy gigamit sa siyensya pagsukod sa init. Nadiskubrehan usab niyang mag-agad sa temperatura, gitas-on sa gikahimutangan ug pressure sa lugar ang paghimo og ice gikan sa tubig ingon man ang pagpabukal niini. (BANAT NEWS)