2 balay gilungkab

CEBU, Philippines - Dul-an sa P1 milyon ang gibana-banang nahanaw nga alahas, butang ug kwarta gikan sa duha ka balay nga gilungkab niadtong Domingo diha sa sitio Care Purok 8 sa barangay Camputhaw ning dakbayan sa Sugbu.

Sila si Vivia Alegrabis, 58, ug Carla Go Sypleco, 26, managsilingan sa maong lugar midangop sa Theft and Robbery Section sa Cebu City Police Office human nila madiskubrehing gikawatan sila. Ang nangawalang butang naglangkob sa mga mahalong camera, mga alahas nga bulawan ug diyamante, mga relo, mahalong gadgets, sapatos ug ingon man cash nga kapin sa P100,000. Duha ka mga lalaki diin usa kanila ang giingong may kaso sa pagpangawat ang gipik-ap sa mga polis alang sa imbestigasyon. ( EIM)   - BANAT NEWS