Annabelle Rama magkongresista sa North District

CEBU, Philippines - Ang Sugboanong artista nga si Annabelle Rama gitakdang mokandidato sa pagka-kongresista sa north congressional district sa dakbayan sa Sugbo sa umaabot nga election sa tuig 2013.

Si Ruffa Gutierrez nga iyang anak maoy nag-post og mensahe kalabot niini sa iyang Twitter account kagahapon ug gikonpirmar usab kini ni Annabelle. Apan ang manghud ni Annabelle nga si San Nicolas Barangay Captain George Rama kagahapon nagkanayon nga dili angayang seryosohon ang gi-post sa iyang maguwang.

Matud ni George nga binuang ra ang maong mensahe ug dili tinuod kay walay laing Rama nga mokandidato sa Sugbo gawas kang Mayor Michael Rama nga magpapili pag-usab sa pagka-mayor sa dakbayan sa Sugbo.

Bisan si Ricky Rama-Poca, ig-agaw ni Annabelle mibutyag nga wala silay seryoso nga gihisgotan kalabot ning maong isyu. (BANAT NEWS)