CEBU, Philippines - Kritikal ang kahimtang sa usa ka ulitawo human kini pusila sa wala hiilhing kriminal samtang nagtan-aw og salida sa telebisyon sa balay sa iyang silingan didto sa sitio Abuno, barangay Pajac, dakbayan sa Lapulapu sa miaging gabii.
Ang biktima mao si Mark Anthony Tubusan, 20, ulitawo , nga taga lalawigan sa Bohol apan kasamtangang nagpuyo sa Abuno.
Si PO2 Carlos Barluado sa homicide section sa kapolisan sa Lapulapu mibutyag nga samtang nagtan-aw ang biktima sa salida sa TV sa balay ni Andres Bogala, kalit lang mitumaw ang wala hiilhing kriminal ug gipusil ang biktima.
Nasabak sa ibabaw sa iyang mata ug ang bala milapos sa iyang liog ug dali kining gihatud ngadto sa Mactan Doctors Hospital samtang gipangita pa sa kapolisan ang kriminal kinsa nakasibat dayon human sa hitabo. (/WC) (BANAT)