VP Binay nanguna sa MOA signing

CEBU, Philippines - Gipirmahan kagahapon ang Memorandum of Agreement (MOA) tali sa lalawigan sa Sugbo ug sa mga   Homeowners’ Association nga nagpuyo sa yuta sa lalawigan didto sa Cebu International Convention Center (CICC )sa siyudad sa Mandaue.

Gipangulohan ni Bise Presidente Jejomar Binay ug ni Gobernador Gwendolyn Garcia uban sa mga nagkadaiyang presidente sa Valle Estrella Home Association, Langub Home Association, Cebu Skyview Village ug Skyview Park, South Bus Terminal Home Association ug Kalunasan United Livelihood Association.

Sa maong kasabotan gitugotan ang mga    homeowners nga mobayad sa luna nga ilang gipuy-an nga maoy nakalipay pag-ayo sa mga hingtungdan mga molupyo.

Samtang   ang mga presidente sa maong mga asosasyon mangita pa og mga financing institution aron maoy mobayad og bulto sa luna nga ilang gipuy-an ug modata-data na lang sila sa pagbayad ngadto sa maong mga institusyon. (Jessica Handumon, CNU   Intern/WC) (BANAT)