CEBU, Philippines - Giila na sa mga kabanay ang napatay’ng lalaking gipasanginlang misuway og pusil sa luyo-luyong hepe sa Carcar City Police Station niadtong Domingo sa hapon.
Si Insp. Arvi Arbuis nga luyo-luyong hepe sa kapolisan sa maong siyudad miingon nga ang iyang napusilan mao si Rico Bagol, 31, taga sitio Calangyaun sa barangay Napo.
Si Bagol giingong armado og kalibre .38 revolver, gipusil ni Arbuis diha sa sitio Placer sa barangay Napo niadtong Sabado sa hapon atol sa pagtubag og alarma sa kapolisan kabahin sa armadong tawo.
Apan sa ilang pag-abot sa lugar, si Bagol mition og armas ngadto kang Arbuis hinungdan nga kini napusilan. Gidala kini sa Carcar District Hospital apan namatay. Sa iyang bahin si Cebu Provincial Police Office (CPPO) director Sr. Supt. Patrocinio Comendador miingon nga walay tulobagon si Arbuis sa kamatayon ni Bagol sanglit usa ka lehitimong operasyon. (Rey B. Pasaporte/EIM) (BANAT)