Patay'ng babaye ilawom sa katre nakit-an

ILOILO CITY, Philippines  – Patay nang napalgan ang usa ka babaye ilawom sa higdaanan sa gikatulgang lodging house sa barangay Nabitasan sa La Paz district sa siyudad sa Iloilo.

Dili lang kini maoy unang susamang krimen nga nahitabo sa maong siyudad sulod sa lodging house hinungdan nga dunay pagduhaduha na sa kalig-on sa seguridad sa kapin napulo ka mga motel sa maong siyudad.

Walay nakita ang mga imbestigador og kadaot sa lawas sa babayeng si Grace Arriola, 22, nga taga Brgy. Cubay, Jaro, Iloilo City—apan gituohan kining gipatay pinaagi sa pagtuok ug gipasok sa ilawom sa iyang higdaanan sa Katrina Lodge’s Room 26.

Usa ka 34-anyos nga si Reynaldo Bolinas taga San Dionisio, Iloilo ang giaresto kansang asawa iyaan sa biktima.

Si Senior Supt. Marietto Valerio, Iloilo City Police director, miingon nga nadiskubrehan ang patay’ng lawas human nag-inusarang mi-check out si Bolinas alas 11:32 a.m., o kapin 14 oras human si Arriola mi-check in alas 8:58 p.m. niadtong Domingo.

Matud pa nagduda ang mga kawani sa motel tungod kay daw wala mahimutang si Bolinas sa pag-check out niining nag-inusara.

Niadtong Mayo 8, usa ka Erwin Lagon ang naghikog pinaagi sa pagpusil sa mao gihapong hotel human giingong gibuwagan sa iyang uyab.

Pipila na ka bulan ang milabay, usa ka nadugtang babaye ang napalgan ilawom sa katre sa usa ka motel sa La Paz District, sa laing lodging house usab sa Mandurriao usa ka negosyanteng babaye ug iyang helper ang gipatay.    - BANAT NEWS