Drug raid sa Lorega siyam sikop

CEBU, Philippines - Gisikop sa mga sakop sa City Intelligence Branch (CIB) ang usa ka gipasanginlang drug pusher diha sa barangay Lorega atol sa buybust operation niadtong Miyerkules sa gabii. Ang gidakop mao si Joven Dequitos. Laing 20 ka pakete nga gituohang shabu ang nakuha gikan kaniya. Si Chief Inspector Romeo Santander, hepe sa CIB miingon nga dunay concerned citizen nga misumbong bahin sa pagpamaligya ni Dequitos og illegal drugs sa maong lugar. Matud ni Santander makabaligya og 200 gramos nga shabu matag semana ang suspek. Laing walo lakip ang minor ang nadakpang nanuyop sa usa ka drug den sa maong dapit nga sila si Adora Soco Tapales, Nino Singson Pafecon, Joseph Megabonaballe, Reynante De La Torre Rodriguez, Oliver Apanes Reyes, Jay Brizo ug ang menor de edad. Niadtong Martes sa gabii laing ‘drug pusher’ ang nadakpan sa barangay Calamba nga si Victor Lumontad, 57, nakuhaan og unom ka pakete sa shabu ug usa ka Glendover Entice ang nakuhaan og KG-9 sub machine gun nga may mga bala sa maong operasyon. (BANATNEWS)