15-anyos naghikog

CEBU, Philippines - Usa ka 15-anyos nga lalaki nga naguol human makasab-i sa inahan ang naghikog diha sa sitio Lupot sa barangay Tominghaw sa lungsod sa Daanbantayan niadtong Miyerkules sa alas 6:25 sa gabii. Matud ni PO3 Dennis Velez sa Daanbantayan Police dihang nahinabi sa Banat News una niini nag-away ang namatay ug igsuon niining babaye ug giangay og kasaba sa inahan. Apan human niadto giingong wala na kini maniudto ug nagpunay nalang og hinuktok ug hilak. Dihang nanglakaw ang mga kabanay gituohang diha na gihimo sa batan-on ang paghikog gamit ang usa ka nylon nga pisi. Ang batan-on gisuwayan pa og dala sa Daanbantayan District Hospital apan patay na kini. (BANATNEWS)