Cervical cancer malikayan

CEBU, Philippines - Aron maproteksyonan ang mga kababayen-an batok sa cervical cancer, kinahanglan gayud nga magpakonsulta dayon mintras sayo pa  sumala  ni  Ronald delos Reyes, program coordinator sa Eduardo J. Aboitiz Cancer Center (EJACC).

Matud  pa  ni Delos Reyes  nga  mahimo  kaayo  kini pinaagi sa Human Pappilomavirous Vaccination (HPV) ug ang uban pang panukdanan  sama pagpaubos  sa   cervical screening matag tuig.

Ang mga kababayen-an nga nagpanuigon og 20 kinahanglan na magpa-pap smear matag duha ka tuig ug ang mga kababayen-an nga nagpanuigon og 30 nga nakasinati na og tulo ka sunod-sunod  normal pap smear kinahanglang magpa-screening gayud matag tulo ka tuig.

Sumala  kang Delos  Reyes  nga  ang  mga babaye  nga nagpanuigon na og 65 hangtod sa 70 nga nakasinati  na  og  tulo  ka higayong  pap smear mahimong  dili  nalang  ipaubos  sa screening.

Dugang pa usab ni delos Reyes nga ang HPV testing ug pap smear managsama ka epektibong paagi sa pagbatok sa  cervical malignancy.

Matud  pa  niya  nga  pipila  sa ubang  hinungdan  nga  masugamak  sa   cervical cancer ang  usa ka babaye  mao  ang  sayo  nga pagsulod niini  sa  sex, mga  babaye  nga  nagkalain-lain ang  sex partner, lalaking  partner  nga  daghan  usab  og  babaye  nga  gika-sex , natakdan  na  og  sakit  gikan sa lalaki, kusog  manigarilyo,  ug oral contraceptive pills nga  lapas na  sa lima ka tuig. Ang cervical cancer usa ka matang  sa sakit  sulod  sa  matris sa babaye . - BANAT NEWS