3 gidasmagan angol sa multicab

CEBU, Philippines - Naangol  ang  tulo  ka tawo  human  daruha  sa multicab  ang  gisakyan  nilang  biseklita ug motorsiklo didto  sa dalan MC Briones, sa barangay  Pacnaan, dakbayan  sa Mandaue kagahapon sa  alas 7:00  pasado  sa buntag.

Ang  mga  biktima mao  sila  si Alejandro Calantaba, hingkod, nga taga  barangay  Tabok, Mandaue City, Albert Repollo ug asawa  niini  nga  si Gabalnel Repollo nga  pulos taga  barangay  Nangka, lungsod  sa Consolacion.

Samtang  ang  drayber  sa midasmag kanilang multicab mao  siJessie Romeo Asboque, 27, taga  Banilad, dakbayan  sa Sugbo.

Sumala ni PO2 Dante Flores sa traffic division  sa Mandaue City Police Office nga kusog  nga  nagdagan  ang  multicab  sa  suspetsado  dihang  mi-overtake  kini  sa gisundan  niyang  sakyanan  busa nadasmagan  niya  ang  gikasugat  niyang  biseklita nga gisakyan  ni Calantaba, dayon  ang motorsiklo  nga gisakyan  sa magtiayong  Repollo, ug  ang katapusan  mao  ang taxi  nga  gimaneho  ni Jesson  Pajarco.

Ang  mga  biktima  gidala  dayon  ngadto  sa  Vicente  Sotto  Memorial Medical Center  sa dakbayan  sa Sugbo  samtang nagkagulkol  na  sa prisohan ang suspetsado. - BANAT NEWS