Nagpabuto og armas tiklo

CEBU, Philippines - Nagtingkagol sa Talisay City detention cell ang usa ka lalaki kinsa giingong nagpabuto sa iyang pusil niadtong Sabado sa kaadlawon didto sa sitio Crocolandia, barangay Biasong, sa maong dakbayanTalisay.

Ang nasikop mao si Isabelo Augicelumen, hingkod, kinsa nasakmitan sa kapolisan sa iyang kalibre .38 nga revolver. Si Violeta Cabando, 52, molupyo   sa maong dapit maoy misumbong dayon sa kapolisan bahin sa maong hitabo.

Nasayran nga nangurog sa kahadlok ang mga silingan sa suspetsado dihang nabati nila ang sipa kaayong buto sa armas niini hinungdan nga misumbong sila sa kapolisan.

Giandam na sa kapolisan ang tukmang kaso nga  ipasaka batok sa suspetsado. - Brenda D. Batuto/WC (BANAT NEWS)