CEBU, Philippines - Gihugopan sa liboang deboto sa dakbayan sa Lapulapu ug mga kasikbit nga lugar ang gipahigayong labing unang pagduaw kagahapon sa imahen ni Senyor Santo Niño sa Birhen sa Regla nga maoy patron sa maong dakbayan.
Gilawig gikan sa Malacañang sa Sugbu sa Cebu City ang imahen ni Senyor Sto.Niño luwan sa barko sa Philippine Coast Guard tabok sa Mactan Channel ngadto na sa dakbayan sa Lapulapu diin kini gisugat og liboang mga debotos ug kaparian ingon man opisyales sa dakbayan pinangulohan ni Mayor Paz Radaza.
Sa nasayran nga ang pagduaw sa imahen ni Senyor Sto. Niño karong tuiga sa dakbayan sa Lapulapu maoy nahimong kabahin sa mga kalihokan sa ika 450 ka tuig nga pagkakaplag sa balaang inahan ni Senyor Sto.Niño sa usa ka sakop ni Miguel Lopez de Legaspi nga si Juan Camus niadtong Abril 28, 1565 sa sulod sa usa ka payag nga nahimutang sa dapit diin mahimutang ang simbahan sa Basilica Minore del Santo Niño sa dakbayan sa Sugbu. (BANATNEWS)