CEBU, Philippines - Upat ka mga tawo nangaangol human gipamusil kagahapon sa kaadlawon diha sa sitio Mabuhay sa barangay Luz sa Cebu Business Park ning dakbayan sa Sugbu.
Ang mga biktima mao ang magsuong Mondelo nga sila si Clifford, 31, ug manghod niining si Welbor, 29; Fort Conception, 21, ug Stephanie Salamanca, 16. Gipangita pa sa kapolisan ang giingong namusil sa mga biktima nga si Glenn Soquib alyas ‘Esoy’ 30.
Si PO1 Esmer Escultor sa Homicide Section nga nahinabi sa Banat News ang igsuon sa magsuong Mondelo nga si Joseph giingong diriyot makadasmag og mahuyang sa nahitaboan nga miresulta sa sininghagay.
Dihang gibalikan sa mga managsuon kalit mitumaw ang suspek ug namusil ug pagkahuman miikyas. (BANATNEWS)