DOH may pasidaan karong ting-init

CEBU, Philippines - Mipasidaan ang Department of Health (DOH-7) sa publiko batok sa mga nagkadaiyang sakit nga posibleng makuha karong panahona gumikan sa pag-usab-usab sa kahimtang sa panahon.

Matud pa ni Monico Gianco, assistant nurse sa Vector-Borne Diseases Program sa DOH-7 nga ang kasagarang sakit nga motumaw karong panahon sa ting-init mao ang sip-on, ubo, heat stoke ug skin cancer. Ang pinakakumon nga sakit nga motapot sa panahon sa ting-init mao ang sip-on ug sagad sa maigo niini mga bata ug tiguwang mga mas hinay og resistensya sa lawas.

Makatakod kini pinaagi sa hangin kung mahanggab sa tawo ang hangin gibuga sa usa ka tawong natakbuyan niini pinaagi sa paghatsi ug pag-ubo.

Ang acute cough usa sa motunga nga sakit sa dili mominus duha ka semana samtang ang chronic cough dili mominus tulo ka semana.

Aron malikayan ang ubo, kinahanglan molikay sa panigarilyo ilabi na ngadto sa mga tawo nga adunay asthma, chronic lung disease ug environmental allergies. - (BANAT NEWS)