Mga kalihukan sa Kadaugan sa Mactan han-ay na

CEBU, Philippines - Hingpit nang gibuksan sa kagamhanan sa dakbayan sa Lapulapu ang gihan-ay nga mga kalihokan sa kadaugan sa Mactan nga gikatakdang mahitabo sa Abril 27 ning tuiga.

Ang kalihokan nga gibuksan kagahapon Abril 22 tapuson pinaagi sa Kadaugan Street Party sa Abril 28 nga gipaabot nga saksihan sa liboang mga tawo lakip mga turista.

Si Mayor Paz Radaza sa iyang pamahayag atol sa pagbukas sa mga kalihokan kagahapon iyang gipadayag ang kamahinungdanon sa maong kasaulogan dili lang sa mga lumad nga Oponganon kun dili alang kaniya sa tibuok nasud nga Pilipinhon.

Matud pa niya nga giisip nga makasaysayanon ang maong kasaulogan sanglit unang higayon nga ang mga Pilipino nakaangkon og kadaugan sa natad sa panggubatan batok mga langyaw. “I find it very strange that the country is fond of celebrating defeats like deaths of heroes, defeats in battles and even a death march have become national holidays, ” ni Mayor Radaza pa sa iyang pamahayag.

Dugang pa niya nga dako kining sukwahi sa nahitabong gubat sa Mactan nga naangkon ni Lapulapu ang kadaugan sanglit nabuntog man niya ang labing unang langyaw nga misulay unta sa pag-ilog sa Isla sa Mactan.

“As you witnessed we have started to expand and make it a real victory party when I began my administration. I wanted a victory party in its true sense for people to come and celebrate a second year of “Kadaugan Street Party,” matud pa sa mayor. - (BANAT NEWS)