Hinabang sa mga nasunogan padayong nag abot-abot

CEBU, Philippines - Mokabat sa 82 ka mga pamilya nga biktima sa nahitabong sunog sa Basubas Compound sa barangay Tipolo, dakbayan sa Mandaue nga gilangkoban kini sa 26 ka mga house owners ug 56 nga mga nag-abang sa maong dapit ang gitabangan sa social welfare office.

Si Jocelyn Domingo sa City Social Welfare sa maong dakbayan dihang nahinabi sa Banat News miingon nga natapos na ang tulo ka adlaw nga paghatag og mga ready to eat meals ngadto sa mga biktima.

Karon ang mga hinabang pinaagi na sa kinilong bugas, kaldero, banig, habol, sabon ug uban pa nga gikan dili lang sa gobiyerno kondili lakip   sa pipila ka mga Non Governmental Organization (NGO).

Si Kapitan Restituto Villanueva gikatakdang makigtigom sa mga kagawad aron madeklarar nga state of calamity ang maong dapit aron makagamit sila sa calamity fund sa siyudad.  (BANATNEWS)