Pamilya sa gipatay sa naghikog tabangan

CEBU, Philippines - Ang kagamhanan sa dakbayan sa Sugbo    mihatag og P5 mil nga cash , usa ka sakong bugas ug mga linatang pagkaon sa pamilya sa namatay nga mananagat   kay gitugpahan sa usa ka tawo nga buot unta maghikog didto sa taytayan sa Mandaue -Mactan sa miaging Miyerkules sa gabii.

Si Gobernador Gwendolyn Garcia maoy migahin sa maong hinabang alang sa pamilya ni Danilo Sison, 59, nga maoy nadat-ugan ni Aniano Berdin, 30, gikang milayat sa taytayan.

Si Marivic Garces, ang Provincial Social Welfare Officer sa Sugbo maoy gisangonan sa gobernador sa pagtunol ning maong mga hinabang ngadto sa hingtungdan.

Si Sison kinsa usa ka mamamana mao pay pagtunga sa ibabaw sa tubig sa maong higayon dihang mitugpa kaniya si Berdin, busa miunlod siya og balik ngadto ilawom sa dagat sa Mactan channel nga nahutdan og gininhawa gumikan    sa hilabihang kabug-at sa midat-og kaniya nga maoy hinungdan sa iyang dihadiha nga kamatayon. Si Arsenio nga maghikog unta niadtong tungora maoy nabuhi samtang si Sison maoy namatay. (BANATNEWS)