May napilian nang kandidato ang
CEBU, Philippines - One Cebu pagka-gobernador?
Gipasumbingay na ni Gob. Gwen Garcia ngadto sa mga tigbalita kung si kinsa ang kandidato sa One Cebu Party pagka-gobernador sunod eleksiyon. Apan si Garcia nagdumili pag-ila sa maong tawo gawas nga iyang gilitok ang kalidad niini sama nga iyang kasaligan ug makapadayon sa iyang mga programa.
“We are already looking at a viable candidate for governor who has the competence, capability, winnability and who can assure the sustainability of our existing programs,” sumala pa ni Garcia.
Nasayran nga iyang gitudlo ang anak nga si Atty. Ma. Esperanza Christina Frasco isip consultant aron pagseguro nga mapadayon ang iyang mga programa.
Gani ang pagkatudlo ni Frasco bisan walay sweldo nga gidawat sa Kapitolyo nakapaturok sa pagduda nga pangandam kini sa umaabot eleksyon sa 2013.
Sa pagpakighinabi kang Frasco kagahapon, igo lang kining miingon nga “flattered and humbled” siya kung maoy pagtoo sa uban nga siya ang gipasabot sa iyang inahan.
Si Frasco asawa ni Liloan Mayor Vincent Franco “Duke” Frasco. (BANATNEWS)
- Latest
- Trending
