89-anyos gi-hostage sa anak

CEBU, Philippines - Unom ka oras nga gi-hostage sa usa ka lalaki ang kaugalingon inahan una pa niini buhii pasado alas- 5 sa buntag kagahapong adlawa diha sa sitio Paz barangay Catarman lungsod sa Liloan.

Si Segundino Trasmonte Jr., 49, gidakop sa kapolisan human miunay og hostage sa iyang inahan nga si Desideria Transmonte, 89.

Base sa imbestigasyon sa kapolisan nasayran nga gi-hostage sa suspek ang inahan pasado alas- 5 pa sa kaadlawon samtang nagbitbit og sanggot ug bangkaw.

Ang hepe sa lungsod sa Liloan nga si Chief Insp. Richard Oliver maoy nakigneogsasyon sa suspetsado diin gihatag sa kapolisan ang mga gipangayo niining pan ug softdrink ug mipasalig kini nga walay mahitabo kon motahan lang kini.

Matud pa ni Oliver ang pamilya sa suspetsado miingon nga hilabihang pagkalango sa ilimnong makahubog ang suspek ug tiggamitan usab kini og gidiling drugas nga nakaingon nga nagka-nervous breakdown kini.  (BANATNEWS)