Nakadasmag sa ambulansya gikiha na

CEBU, Philippines -  Giduso kagahapong adlawa sa Municipal Trial Court (MTC) ang kasong Reckless Imprudence Resulting to Homicide batok kang Noel Anthony Logarta nga mibangga sa ambulansya sa Mabolo niadtong Lunes sa gabii nga miresulta sa kamatayon sa usa ka nurse.

Ang nakalas mao si Trecie Abaño nga usa ka private nurse nga nagkuyog sa pasyente nga ilang dad-on sa Mactan Cebu International Airport aron unta dad-on sa Amerika.

Kagahapong adlawa si City Prosecutor Simaco Labata mi-aprobar nga ipasaka na sa korte ang kaso batok kang Logarta human sila napakyas sa pagduso sa ilang counter affidavit pagtubag sa pasangil.

Mirekomendar hinuon si Labata nga makapiyansa si Logarta og P30 mil alang sa temporaryo niining kagawasan.  - BANAT NEWS