Video sa Youtube nga nagsaway sa Sugbu di angay'ng ikasuko

CEBU, Philippines - Usa ka dakong hagit sa inahan sa lalawigan sa Sugbo nga si Gov. Gwendolyn Garcia ug giisip nga ‘a call for action’ ang gipagawas nga video diha sa Youtube sa usa ka langyaw nga naghisgot sa mga dili niya ganahan sa Sugbu.

Matod pa ni Garcia nga aduna gyuy mga pagsuway nga angayang atubangon.

“We have never claimed first world developed country there are challenges that we must face. I think the bigger question that we need to answer is are we doing something about it?,” matud pa ni Garcia. Gihulagway ni Garcia nga hilabihan ka taas nga tahas sa mga lokal nga kagamhanan aron maila ang Sugbu sa ubang nasud ug wala mohunong ang mga opisyales sa pagpalambo pa niini.

Midugang si Garcia nga nakasabot siya nga adunay violent reaction sa video nga gi-post apan gipasabot niyang imbes nga masuko mas maayo nalang nga ipakita sa mga Sugbuanon nga sayop kini pinaagi sa pagpaanindot sa dakbayan.

“I understand the violent reaction kita kuno i-criticized by someone who is not even a citizen. But it is also a call for action its either magsige lang ta’g kasuko or we do something about it. Atong i-translate atong kasuko ngadto sa constructive action,” awhag hinuon sa gobernadora.

 “Revenge is a dish best serve cold and the best cold revenge that you can have is to someday prove that all he said are now false and inaccurate, right now di man ta makaingon nga di na tinuod,” pasabot pa ni Garcia.

Samtang si Cebu City Mayor Michael Rama mapasalamaton nga dunay mitingog kalabot sa obserbasyon nga nakita niini sa siyudad aron masayod pa siya kung unsa nga mga butang nga angayan palamboon.

 Apan mihangyo siya nga angayan pud hunahunaon sa katawhan nga wala nagmika ang siyudad ug duna kini maayong proyekto nga nabuhat ug angayan pud kini tagaan og bili.

 Nasayran nga adunay gipagawas nga 25-minute video ang usa ka langyaw nga si Jimmy Sieczka nga gititulohan niyang “20 Reasons I dislike the Philippines” diin ang gipakita niini sa video ang lugar sa syudad sa Sugbo.

Apan ang maong video wala maangayi sa usa ka konsehal sa dakbayan sa Sugbo kini base sa migawas nga report sa usa ka mantalaan.

Si Konsehal Sisinio Andales mikondenar sa gibuhat ni Sieczka ug matud pa niya nga himoan gyud niya kini og resulosyon sa pagsaway niini. Matud pa niya nga dili makiangayon ang gibuhat ni Sieczka ug di kinahanglang ipaagi sa pag-upload og video sa internet. (BANATNEWS)