Ika-25 tuig pagka-Obispo ni Medroso gisaulog
TAGBILARAN CITY, Philippines — Gipangulohan ni Archbishop Giuseppe Pinto, D. D., Papal Apostolic Nuncio dinhi sa Pilipinas ang gatosang mga katoliko sa pagselebrar sa ika-25 ka tuig nga pagka-obispo ni Msgr. Leonardo Y. Medroso.
Lakip sa mitambong mao ang 25 ka mga obispo nga naglakip kang Cebu Archbishop Emeritus Ricardo Cardinal Vidal, mga sakop sa relihiyosong pundok, kaparian ug mga madre sa gihimong Thanksgiving Mass niadtong Sabado sa St. Joseph Cathedral sa Tagbilaran. Ang Papal Nuncio mipadangat kang Medroso ug sa mga parokyano sa mensahe ni Pope Benedict XVI nga nagpadayag sa pagdawat ug paglaom ug mihulagway sa monsenyor nga usa ka “fervent servant in the vineyard.”
Sa homilya sa Papal Nuncio kini nagkanayon: “the mission of the bishop is let the faithful have the right attitude to speak in Jesus’s behalf. A spiritual closeness with God should be developed in each of our lives.” Si Medroso nahimong obispo sa Borongan, Samar niadtong 1997-2006 ug nabalhin sa Bohol. Naordinahan si Medroso niadtong Marso 17, 1987. (BANATNEWS)
- Latest
- Trending
