CEBU, Philippines - Gidakop sa mga polis ug gibilanggo ang 75- anyos nga lolo human kini pasanginling nasakpi sa akto nga mimolestiya sa 27-anyos nga dalagang may kakulian sa pangisip nga iyaha rang paryente sa usa ka payag sa bukirang bahin sa barangay Bugtong Cawayan lungsod sa Barili niadtong Martes sa alas 2:00 sa hapon.
Matud ni SPO1 Esteliore Cañete sa Women’s Desk sa Barili Police Station dihang nahinabi sa Banat News naandan na sa biktima nga kanunay manguha og bagol ug niadtong tungora nanguha siya niini duol sa balay sa suspek.
Apan kalit kining gibunlot sa suspek ug giguyod sa extension nga payag sa luyong bahin sa balay niini ug dihadiha gilugos ang biktima.
Usa ka silingang edaran nga nahiagi sa payag maoy nakasakop sa gibuhat sa suspek ug gisinggitan kini ug daling gitug-an sa ginikanan sa babaye hinungdan sa pagkasikop niini. - BANAT NEWS