19th IB mikondenar sa nanaway sa alyansa nila ug sa mga mag-uuma

KANANGA, LEYTE, Philippines -- Gikondenar sa labaw sa 19th Infantry Battalion ang gipagawas nga pamahayag sa secretary-general sa Samahan han Gudti nga Parag-uma ha Sinirangan Bisayas (SAGUPA-SB) nga gipublikar sa grupo sa ilang online bulletin.

Si Lieutenant Col. Alejandro Nacnac, ang commander sa 19th IB, nagkanayon nga si Nestor Lebico, usa sa mga opisyal sa SAGUPA-SB mahimong mopadayag isip kabahin sa iyang kagawasan sa pagpadayag apan dili gyud unta kini mogamit og mga pulong nga mag-awhag sa publiko aron hagiton ang kasamtangang gobiyerno.

Si Lebico miatake sa panaghiusa sa 19th IB ug sa Municipal Farmers Association of Carigara (MUFAC), nga gilangkuban sa mga mag-uuma sa lungsod sa Carigara sa Leyte. Gipasanginlan niya ang 19th IB og militarisasyon sa lungsod ug miingon nga wala kinahanglana sa mga mag-uuma ang militar.

Dugang pa sa pamahayag nga dili angayang magpailad ang publiko sa taktika sa militar tungod kay ang mga mag-uuma sama sa MUFAC mosupak gyud sa dunot nga polisiya sa gobiyerno ilabi na labot sa reporma sa yuta.

 “Lebico should neither challenge the government nor attack the military with phony issues. If he is preventing us and MUFAC from helping the farmers, then I must say that he is anti- peace and anti-development,” matud pa ni Nacnac.

 “It is obvious that Lebico is agitating MUFAC not to befriend the military using his defunct issues. The military in Carigara does not in any way hinder the traditional activities of the farmers. We come for peace and development,” dugang pa ni Nacnac.

Niadtong Pebrero 12 si Nacnac nakig-diyalogo sa presidente sa MUFAC nga si Mamerta Dagalea ug tulo pa ka mga opisyales sa Brgy. Baruguhay Sur sa Carigara ug nagkasabot nga sila magtinabangay ilabi na sa mga medical mission sa pipila ka mga barangay sa ilang lungsod. (BANATNEWS)