CEBU, Philippines - Gawas sa dugang usa ka barkong panggubat misaad ang mga opisyales sa Estados Unidos sa paghatag og $144 milyones alang sa militar sa Pilipinas aron mapalig-on niini ang pwersa ug depensa sa teritoryo niini.
Isip kaalyadong nasud, ang Pilipinas midangop sa Estados Unidos gawas pa sa ubang mga nasud sa Uropa alang sa pag-angkon og mga barko, fighter jets ug radars aron mapalig-on ang depensa niini karong nagkainit na ang tensyon diha sa West Philippine Sea. Gipaabot nga madawat sa Pilipinas ang ikaduhang Hamilton Class cutter nga USS Dallas karong tuiga.
Si Foreign Secretary Albert del Rosario mikompirmar niini niadto pang Miyerkules ug midugang nga gikatakda silang mobalik sa US uban sa mga opisyal sa nasud aron hisgutan ang dugang hinabang ug pagpahigayon pa og mga joint military exercise. (BANATNEWS)