Election return sa Compostela ihap na

CEBU, Philippines - Naihap na sa Special Municipal Board of Canvassers (SMBC) sa lungsod sa Compostela, Cebu ang gikuwestiyon nga mga election return sa tuig 2010 nga election didto sa central office sa Commission on Elections (COMELEC) sa Manila apan wala maproklamar ang mga mananaog.

Ang gigamit sa canvassing mao ang electronically generated election returns (ERs) statement of votes by precinct (SOVP) aron sa pagtandi sa resulta. Sa 15 ka mga gikuwestiyon nga ER, sa giusa nga mga presinto 19, nasutang adunay mga sayop sa mga lista samtang ang resulta sa presinto 26 dili mabasa ang mga posisyon sa mga membro sa sangguniang bayan.

Nasuta sa unofficial result ang respondente nga   si Joel Quiño nakakuha og 4,415 botos, samtang ang petitioner nga si Ritchie Wagas nakakuha og 3,970 botos.

Ang board nagtigom sa mga alas 9:00 sa buntag kagahapon sa Comelec En Banc session hall uban sa grupo ni Quiño, samtang sa habig ni Wagas wala kini motungha gawas sa  iyang abogado nga si George Garcia kinsa mirepresentar kaniya.

Si Garcia mikuwestiyon sa pamaagi sa pag-inihapay nga nagkanayon,“I understand the board because this is the first time in the history of 2010 election when there is pre-proclamation controversy granted by Comelec”.

Gipasabot ni Garcia nga kung wala mosubay sa rules ug procedures nakalapas kini sa due process.

Sa Comelec Resolution 8804 gibatbat niini    ang procedure ug rule sa re-canvassing sa automated elections diin ang duha ka habig wala tugoting mosupak..

Matud ni Garcia nga ang gibuhat sa board kagahapon usa ka manual re-canvassing ug dili automated.

Laing isyu nga gituki ni Garcia mao ang bahin sa authenticity sa electronically generated election returns nga gi-canvass.

Sa giihap nga mga election returns nasuta nga naggikan kini sa nagkalain-laing tinubdan sama sa mga kopya sa majority ug minority party ug bisan sa kopya sa ballot box.

Gikuwestiyon ni Garcia ang election officer sa Compostela nga wala mo-produce og kopya sa canvassing.

Apan ang chairman sa MBOC nga si Consuelo Diola mibutyag nga ang ilang gi-canvass giisip kining mga authenticated kun legal nga dokumento.

Si Garcia natahap nga ang compact flash card sa canvassing sayon kaayong mailisan dihang nasuta nga ang clustered precinct 19 adunay lahi nga resulta itandi sa SOVP.

Ang ER sa precinct 19 nagpakita nga si Quiño nakakuha og 361 botos samtang si Wagas 397 botos apan sa SOVP ang matag usa kanila aduna lay upat ka botos.

“We do not want to prevent the proclamation kung napansin ninyo, I want somebody to be proclaimed kasi unfair naman sa mga tao na wala silang nakaupo doon ngayon”, matud ni Garcia.

Si Victor Pablo Trinidad, abogado ni Quiño misuki sa gipahayag ni Garcia.

Matud ni Trinidad nga ang mga election return gikan sa PCOS machine pulos orihinal nga kopya nga magamit kaayo sa canvassing. (BANATNEWS)