Nanglugos og bata arestado

CEBU, Philippines - Gibalhog sa karsel ang usa ka construction worker nga nag-atubang og kasong 2-counts of rape in relation with R.A. 7610 (Child Abuse) ug acts of lasciviousness human kini madakpi sa subdivision nga iyang gitrabahoan sa barangay Jagobiao, dakbayan sa Mandaue alas-8 pasado ang takna sa miaging gabii.

Ang suspetsado nga gidakop mao si Dante Demoral, 43, taga sitio Dunggoan sa barangay Basak sa maong dakbayan kinsa adunay warrant of arrest nga giluwatan ni Judge Teresita Galanida sa Branch 26 sa Regional Trial Court nga nagbase sa maong dakbayan.

Si Insp. Wilson Abot, hepe sa kapolisan sa Presinto 3 sa Mandaue City Police Office (MCPO) maoy nangulo sa pagdakop sa maong suspetsado.

Matud pa ni SPO3 Renato Valle sa nahisgutang presinto nga nahinabi sa Banat News ang paglugos gikatahong nahitabo niadto pang tuig 2010 diin usa ka minor ang biktima.

Wala’y piyansang gipangayo ang korte alang sa temporaryong kagawasan ni Demoral sa kasong rape

Si Valle miingon nga sa kaso nga pagpanglugos nga giatubang sa maong dinakpan ang korte walay girekomendar nga piyansa samtang P200 mil nga piyansa sa kasong acts of lasciviousness ang gitugot. (BANATNEWS)