Gwen mag-Valentine sa South

CEBU, Philippines - Si Gobernador Gwendolyn Garcia mibutyag nga saulogon niya karon ang Valentine’s Day didto sa lungsod sa Dumanjug dala ang 700 ka mga insurance card alang sa mga mag-uuma ug mananagat sa maong lungsod.

Ang maong mga card sa pasiguro   gikan sa Philippine Crop Insurance Corp. (PCIC) alang sa 700 ka mga mangingisda ug mag-uuma sa maong lungsod.

Lakip usab itunol sa gobernadora mao ang tinuig nga allowance sa mga barangay tanod ug magdala usab siya og pipila ka multicab alang sa pipila ka barangay sa maong lungsod.

Gawas niini inugorahan usab sa gobernador ang tulo ka school building nga mao ang Tubod Elementary School, Bitoon Elementary School ug Lawaan Elementary School

Lakip usab nga subhan sa gobernadora mao ang pipila ka tunghaan sa lungsod sa Barili nga mao ang Empañares Elementary School, Mantalongon Elementary School ug Taloot Elementary School.

Gawas sa mga tunghaan, inugorahan usab sa gobernadora ang public market sa lungsod sa Ronda uban sa itunol niyang mga relief goods alang sa mga naapektohan sa 6.9 magnitude nga linog sa miaging semana.

 Human niini, mosaksi usab siya ug mosubo sa street lighting sa barangay Valladolid syudad sa Carcar ug ang Carcar Museum.  (BANATNEWS)