Balintayin

Buloy: Toy unsay tawag sa babaye kung balintayin?

Bitoy: Balentina.

Buloy: Og lalaki?

Bitoy: Balentino.

Buloy: Og bayot bi?

Bitoy: Ah! Balentong(Toink!)

Hehehehehehehehehehehe!

Preparado na ba ang inyong mga rota ug plano sa pagtimaan sa adlaw sa gugma? Kun wala pa niay mga tips nga mahimong inyong kakuhaan og alinghuna.

Free for all ni nga giya sa eleksiyon pa sona libre(Toink!). Alang sa naa nay hinigugma, sa mga nagdoble ang hinigugma ug labaw sa tanan sa mga walay hinigugma sa maninglis pa this is for “1 on 1”, for 2 n 1 and most of all for zero of the above(Toink!) ug ang mga taga bohol pay pasultihon para sa mga wala jamo(Aguy!).

Ang pag-ingon og “I love you” wala magkinahanglan og seryoso nga paagi. Mas mutohop ang romansa sa pagbati kun lamasan ni sa kamaya ug kahimuot.

Sa 1on 1 tip:

Inay sa naandan nga panan-aw og sine, sulod sa motel, kaon sa gawas, dunay mga paagi nga mahimong mas alegre ang inyong balintayin.

l Mahimong imong dad-on ang imong hinigugma o kapikas sa mga lugar diin nagsugod ang inyong sugilanon. Ang subling paghatag sa labing una nimong gasa uban sa paglab-as sa mga unang panghitabo makapagitik uban sa romansa paghanduraw sa mga nangagi. Siguradong mudahonog ang inyong katawa paghandum sa mga unang hikap ug pilpil sa mga gidiling bahin. Hinumdumi ang pondasyon sa gugma mas molambo ug molipang kon ang dayandayan puno sa kamaya ug kalipay.

Siguroa lang nga sakto ang narehistro sa imong panumdoman.

Bitoy: Surprise!

Senyang: Unsa man ning dapita?

Bitoy: Nakalimot ka diri man tika panguyabi, kamaisan pa ni niadto. Gigukod gani tika dihang gisugot naku nimo, dayon nangaligid ta unya gihagkan tika.

Senyang: Hoy tonto! Sa dagat ko nimo panguyabi oy, sa beach resort human natog ila-ila, diritso ka’g panguyab may gani gisugot dayon tika.

Bitoy: Ha! Aw buanga, nagdamgo ra diay ko ani paghitabo, damgo ra diay to. I love you.

Senyang: Estoryaheeeeeeeeeeeeeeeeeee!(Toink!/Ay mali)

Hehehehehehehehehehehehe!

Sa 2 n 1 tip:

Problema mo na yan!(Toink!/Ayay)

Kun wala ka pay hinigugma dili tinuod nga dili makiangayon ang kalibotan. Ang balintayin dili lang alang sa mga kasingkasing nga gigapos sa pagbati. Alang kini sa tanan. Ang pagtimaan sa balintayin mahimong isaulog uban sa sakop sa pamilya, higala ug bisan sa pagsentro sa kalihokan nga nagbawon og gugma sa kinatibuk-an.

Busa kun nag-inusara ka sa balintayin mao nay giingon “better luck next time” sa binisaya pa “kandadohi gyud sa sunod”(Toink!/Aguy!). Hehehehehehehehehe!

Bitoy: Tay espoting ka man kaayo.

Mano: Natural! Mangita ko og balentina.

Bitoy: Ha! Naa pa kahay mosugot nimo Tay?

Mano: Aw og wala mangita’g lain.

Bitoy: Unsang laina?

Mano: Ug walay matilawan nga balentina mangita na lang ko bahalina (Aguy!)

Hehehehehehehehehehehe!

(emailad:[email protected])