Gov. Garcia i-feature sa tv program

CEBU, Philippines - Sa labing unang higayon, ang Bayan Productions Inc. mosalida og estorya bahin sa kasaysayan sa mga inilang tawo sa natad sa politika nga taga lalawigan sa Sugbo ug usa niini mao si Gobernador Gwendolyn Garcia.

 Unang i-feature sa Swak na Swak television program sa ABS-CBN network mao si Gobernador Garcia ug ang iyang Obra Negosyo Eskwela Countryside Enterprises Business Upliftment (ONE CEBU) program ug Suroy-Suroy Sugbo.

 Ang kapikas ni kanhi bise presidente Noli de Castro nga si Arlene ug ang iyang anak nga si Catherine de Castro nga maoy nagdumala sa Bayan Productions uban ang nagdumala sa KABUHAYANG SWAK NA SWAK nakigkita kang Gobernador Garcia didto sa Cebu International Convention Center (CICC) sa miaging adlaw. Ang maong interview makita unya sa Pebrero 11, 2012.   - BANAT NEWS