30 ka balay gilamoy sa kalayo

CEBU, Philippines - Kapin sa 30 ka panimalay ang gikaon sa kalayo sa miaging gabii pasado alas 9 sa sitio NGA barangay Lahug ug Apas ning dakbayan.

Ang maong sunog giisa ngadto na sa 3rd alarm tungod sa daling pagkatap sa kalayo ug nakontrolar kini sulod sa 15 minutos.

Nasayran nga ang maong sunog giingong nagsugod sa ikaduhang andana sa panimalay sa magtiayong Eduardo ug Flor Fuentes.

Matod pa ni Butch Labasbas sa Fire Department nga tungod kay light materials ang mga dapat sa kabalayan daling mikatap ang kalayo.

Gihulagway ni Labasbas nga 28 ka panimalay ang hilabihan nga samtang tulo ang nakan-an sa kalayo ug gibanabanang P400 mil ang danyos.

Samtang padayun ang imbestigasyon sa hinungdan sa sunog. (BANATNEWS)