Cebu bets kinahanglang suportahan-Gullas

CEBU, Philippines - Si Kongresista Eduardo Gullas sa unang distrito sa lalawigan sa Sugbo nagkanayon nga kinahanglang suportahan ang si bisan kinsang mokandidato unya sa umaabot nga national elections.

Sa gipahigayong press conference kagahapon diha sa buhatan ni Gullas sa University of the Visayas sama sa iyang gihimo sa nakalabay’ng mga piniliay nga pagsuporta nila ni Lito Osmeña, Serge Osmeña ug Dodong Maambong. 

Gani giapil niya sila sa iyang sample ballot sa iyang kampanya sa unang distrito bisan wala sila moduol kaniya aron magpatabang.

Matud ni Gullas bisan og unsa pay political affiliation sa usa ka kandidato basta Sugboanon suportahan niya kini tungod kay nagkinahanglan gyud og Sugboanon ngadto sa national nga posisyon. Ning bag-o lang gihugonhugonan nga modagan si Lito Osmeña pagkamayor sa dakbayan sa Talisay ug ang anak niining si Mimo modagan isip kongresista sa unang distrito nga mosuporta kang Gobernador Gwendolyn Garcia kun si Garcia modagan pagka-senador.

Kahinumduman nga si Gullas niadtong pagsaulog sa Charter Day sa Talisay mipadayag na kini sa iyang suporta kang Garcia kun mokandidato kini sa national nga posisyon.

Si Gullas midugang nga labing maayo kung ang mga Sugboanong mga politiko magkahiusa suportahan ang mga politikong Sugbuanon modagan sa national nga position.  (BANATNEWS)