CEBU, Philippines - Hingpit na nga gibasura ang protesta ni Joselito Ruiz batok ni Lone District Congressman Arturo “Boy” Radaza kinsa mialigar nga migamit og kuwarta pinaagi sa pagpalit sa boto sa mga bontante sa miaging 2010 election ang naulahi.
Ang Commission on Election (Comelec) en banc sa Intramuros, Manila pinaagi sa giluwatang resolusyon sa 1st Division nga giresolbar niadtong Pebrero 12.
Si Ruiz nga kandidato sa pagkakongresista sa Lone District sa dakbayan sa Lapulapu maoy nahimong higpit nga kaatbang ni Kongresista Radaza niadtong Mayo 10, 2010 election.
Giparot ni Radaza si Ruiz apan nagtuo ang naulahi nga migamit og kwarta aron mamalit og boto si Radaza hinungdan sa pagsang-at niini og petition for annulment of proclamation niadtong Mayo 10, 2010 ubos sa kalapasan nga vote buying.
Ang Comelec en banc nga gipangulohan ni Sixto Brillantes sa ilang giluwatan nga resolution nga nagbasura sa maong petisyon ni Ruiz tungod sa kahuyang sa mga ebidensya nga magsuporta sa maong pasangil. - BANAT NEWS