Hungaw ang katarungan sa saksi - Dalawampu

CEBU, Philippines - Gumikan sa kahaguka sa mga pamahayag sa mga saksi, si manlalaban Gloria Dalawampu nagkanayon nga dako kaayo og higayon nga mabasura ang kaso sa iyang kliyente nga si Joselyndo Jabagat.

Kini tungod kay matud pa ni Dalawampu nasuta niya nga hungaw kaayo ang mga pamahayag sa mga saksi batok sa iyang kliyente.

Mahinumdoman nga si Jabagat maoy gibalhug dayon sa prisohan tungod kay siya maoy usa sa gisuspetsahang nalambigit sa pagkiriw sa P1.6 milyones nga kuwarta sa Sinulog Foundation Inc. (SFI) niadtong miaging Enero, 15, 2012.

Apan matud pa ni Dalawampu nga unsaon sa pagkalambigit sa iyang kliyente nga si Jabagat nga   una sa tanan wala kini magkupot sa yawe sa maong opisina.

Ikaduha , si Jabagat walay angayang tinguhaon nga mosulod sa lawak aron lungkabon ang gitagoang kuwarta didto tungod kay wala kini masayud nga may kantidad nga gihiposan niadtong kagabhion nga nawagtang ang maong kuwarta.

Matud pa ni Dalawampu nga kun kinaiya pa ni Jabagat nga mahilabtanon, dili makaabot og dugay nga katuigan ang pagkaguwardiya   niini sa Cebu City Sports Center.

Busa alang sa beteranong abogado nga makatarunganon lang nga dili angayang pasanginlan ang iyang kliyente   nga may labot sa pagkawat sa salapi sa SFI.

Alang kaniya nga kun may gukoron man sa balaod, way lain kundi ang nagkupot sa yawe sa lawak nga nahimutangan   sa kuwarta ug ang mga nasayud nga may gihiposang kuwarta sa maong dapit. - Lesley Caminade Vestil ug        Mylen Manto sa The Freeman/WC (BANAT NEWS)

Show comments