PHL, PNoy gikiha ni Berger ug Esdrilon

CEBU, Philippines - Gipasakaan og kaso sa usa ka langyaw ug fiancee niining Filipina ang Pilipinas nga girepresentahan ni Presidente Benigno “Noynoy” Aquino diha sa United Nation Human Rights Council Office of the High Commissioner Geneva, Switzerland .

Ang manag-uyab nga silang Sven Erik Berger nga usa ka Norweigan national ug ang hinigugmang si Karen Esdrelon kinsa unang nasaypang suspetsado sa pagdagit ug pagpatay sa 6-anyos nga batang si Ellah Joy Pique, mipasaka sa maong reklamo.

Buot sa duha nga pabayron ang Pilipinas og US $60, 000,000 milyones isip damages. Ang abogado sa reklamante nga si Atty. Glen Villariza mibutyag nga gipadad-an na sa kopya sa reklamo ang presidente pinaagi sa email.

Sumala pa sa reklamo, ang Pilipinas isip usa sa mga milagda sa Geneva Convention kabahin sa pagpanalipod sa tawhanong katungod mamahimong manubag sa ilang gidangatan.

“ Being a signatory, the high commissioner of Human Rights Council has jurisdiction over Philippines and congruently the latter has a binding obligation to submit itself to the jurisdiction of the Human Rights Council in Geneva, Switzerland,” tipik sa reklamo.

Matud pa sa reklamo nga nakalapas ang Pilipinas sa human rights human ang trabahante sa nasud sa Pilipinas mitanggong sa duha ka reklamante nga walay igong basehan.

“The herein complainants reputation was damaged not just in Norway and the Philippines but around the world especially that internet communication are accessible around the globe,” tipik sa reklamo.Matud pa sa mga abogado sa mga reklamante nga ang Human Rights Council sa Geneva maoy korte aron makuha ang gipangayong hustisya sa ilang mga kliyente.

“ The infinite damaged to the liberty of person, dignity and honor of the complainants happened in the Philippines and committed by the representatives, agents, law enforcement agency and employees,” matud pa sa legal counsel.

Ang reklamante maoy unang gitumbok nga suspetsado sa pagdagit patay ni Ellah Joy Pique niadtong Pebrero 8 sa miaging tuig kini base usab sa nakuhang saksi nga menor de edad sa kapolisan.

Apan ang duruha nabuhian human gibasura sa Provincial Prosecutors Office ang kaso tungod sa kakulang sa ebidensya. (BANATNEWS)