Gidasmagan ug gipusil patay

CEBU, Philippines - Usa kamag-uuma gipusil patay sa usa ka ulitawong nagsakay og biseklita nga midasmag kaniya didto sa sitio Bayabas barangay Adlaon dakbayan sa Sugbo sa miaging gabii.

Ang biktima mao si Herminiano Pador 61, minyo, usa ka mag-uuma nga taga barangay Cabangaan sa lungsod sa Consolacion, samtang ang suspetsado mao si Ariel Catiany Barita, 20, ulitawo, mag-uuma usab nga silingan sa biktima.

Si SPO4 Alex Dacua mibutyag nga naglakaw sa karsada ang biktima, dihang gidasmagan kini sa bisiklita sa suspek ug human sa ilang lalis giluthang sa naulahi ang biktima. Ang samad sa kilid ug sa liog sa biktima maoy namatyan niini.

Nagtingkagol na karon sa prisohan ang suspek human kini motahan ngadto sa kapolisan. (BANAT NEWS)