CEBU, Philippines - Gitumbok ni 6th district Congressman Gabriel Luis "Luigi" Quisumbing nga dili na angayang pahamtangan og silot si ANAD Partylist Representative Jun Alcover tungod sa pagpasangil niini nga gisubornohan sa administrasyong Aquino og tag-usa ka milyon ka pesos ang matag usa ka kongresista nga mipirma sa impeachment case batok ni Chief Justice Renato Corona. Matud pa ni Quisumbing nga mahimong adunay laing lakang nga himoon ang pamunoan ni House Speaker Sony Belmonte batok kang Alcover tungod sa malisyosong pasangil niini.
Apan gitataw ni Quisumbing nga ang paghatag og silot dili angayan nga ipahamtang ngadto kang Alcover sanglit ang maong mga pasangil niini wala may basehanan ug walay kamatuoran.
"There might be some response to the statement of Rep. Jun Alcover but his farfetch statement don't require attention. These were never happened, no proof that it happen so there's no bases for such action," sigun pa ni Quisumbing.
Ang pamahayag ni Quisumbing maoy iyang tubag sa daghang mga pangutana kun dili ba hatagan og action ang gihimo ni Alcover nga nakadaot sa dungog sa mga magbabalaod nga giingong nakadawat og tag-P1 milyon. (BANATNEWS)