Mag-uuma nalisoan sa pangisip naghikog

CEBU, Philippines - Patay nang nakit-an sa iyang mga kabanay ang usa ka mag-uuma kinsa giingong nalisoan sa maayong pangisip ug naghikog sulod sa ilang pinuy-anan didto sa barangay Atabay lungsod sa Alcoy niadtong Martes sa alas 9:00 sa buntag.

Ang nagpakamatay mao si Venancio Anoba, 44, ulitawo, usa ka mag-uuma sa maong lugar.

Ang iyang ginikanan nga si Mercedez Anoba, 84, biyuda, maoy nakadiskobre sa iyang anak nga patay na.

Si PO2 Godofredo Amancio sa Alcoy police mibutyag sa Banat News nga duha na ka higayong misuway og hikog si Anoba apan napakgang kini sa mga silingan.

Gihulagway sab nga si Venacio nga murag nalisoan sa maayong pangisip tungod kay mokalit lang og kayabag ang mga estorya niini. (BANATNEWS)